ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Պարզաբանում

14.05.2014 12:27 Պարզաբանում
Պարզաբանում

«Հայկական ժամանակ» օրաթերթի 13.05.2014 թ. թիվ 87 համարում հրապարակված «Սղցնում են ցուցակում» հոդվածում նշվել է, որ ՀՀ ոստիկանության կողմից հրապարակված ցուցակում, որտեղ նշված հաշվառման համարանիշերով տրանսպորտային միջոցների սեփականատերերը ԱՊՊԱ պայմանագիր չունենալու համար վարչական պատասխանատվության չեն ենթարկվելու, առկա են «օլիգարխներին» պատկանող ավտոմոբիլների համարանիշեր: Որպես օրինակ նշվել է «0»-ներով և «6»-երով համարանիշերը, որոնք, ըստ հոդվածագրի, պատկանում են Սամվել Ալեքսանյանին: Նշվել է նաև, որ ցանկում կան բացառապես 3, 5 և 8 թվերից բաղկացած համարանիշեր: Հատկանշական է, որ հոդվածում չեն նշվել կոնկրետ հաշվառման համարանիշեր, այլ նշվել են միայն որոշ ընտրովի թվեր, ինչը, հավանաբար, հոդվածագրի` այդ թվերի նկատմամբ ունեցած հատուկ վերաբերմունքի արդյունք է: Հակառակ պարագայում, հրապարակված ցուցակի փոքրիշատե ուշադիր զննումից պարզ կդառնար, որ դրանում ընդգրկված են նաև մյուս թվերը կրկնող և մեծ պահանջարկ ունեցող հաշվառման համարանիշեր, որոնք, չգիտես ինչու, անտեսվել են:
Իրականությունն այն է, որ 2014 թ. փետրվար ամսին, Վարչական իրավախախտումների վերաբերյալ ՀՀ օրենսգրքի 129.2 հոդվածով նախատեսված` ավելի քան 10 օր տրանսպորտային միջոցների ԱՊՊԱ պայմանագիր չունենալու համար դրանց սեփականատերերին վարչական պատասխանատվության ենթարկելու մասին որոշումներ կայացնելուց հետո տեղի ունեցած գործընթացները ցույց տվեցին, որ բազմաթիվ տրանսպորտային միջոցներ փաստացի չեն շահագործվում և ֆիզիկապես գոյություն չունեն: Այդ կարգի տրանսպորտային միջոցների սեփականատերերին ժամանակավորապես վարչական պատասխանատվությունից ազատելու նպատակով ընդունվել է ՀՀ կառավարության 27.03.2014 թ. թիվ 383-Ա որոշումը, որի 2-րդ կետով ՀՀ ոստիկանությանը հանձնարարվել է տրանսպորտային միջոցների հաշվառման համարանիշերը հրապարակել Հայաստանի Հանրապետության ոստիկանության պաշտոնական կայքում:
Հաշվառման համարանիշերի ցուցակը կազմվել է էլեկտրոնային եղանակով, տեղեկատվական շտեմարաններում առկա տեղեկությունների հիման վրա, և դրանում, համաձայն ՀՀ կառավարության 27.03.2014 թ. թիվ 383-Ա որոշման, ընդգրկված են բացառապես այն տրանսպորտային միջոցների հաշվառման համարանիշերը, որոնց համար երբևէ չի կնքվել ԱՊՊԱ պայմանագիր և 2011 թ. հունվարի 1-ից հետո այդ տրանսպորտային միջոցներով կատարված իրավախախտումների դեպքեր չեն արձանագրվել տեսախցիկների, արագաչափերի և թե ճանապարհային ոստիկանության ծառայողների կողմից: Ի տարբերություն հոդվածագրի` թվերի նկատմամբ ունեցած ընտրովի վերաբերմունքի, ցուցակը կազմելիս Ճանապարհային ոստիկանությունը ղեկավարվել է Հայաստանի Հանրապետության կառավարության վերը նշված որոշման պահանջներով և ընդգրկել դրանով սահմանված վավերապայմաններին համապատասխանող բոլոր` այդ թվում տրանսպորտային միջոցների ցանկալի կամ մեծ պահանջարկ ունեցող հաշվառման համարանիշերը:

                                                                                                                                                   Ճանապարհային ոստիկանություն