ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Աշխատանքային խորհրդակցություն ՀՀ ոստիկանությունում (ՏԵՍԱՆՅՈՒԹ, ԼՈՒՍԱՆԿԱՐՆԵՐ)

13.05.2019 19:01 Պաշտոնական

Մայիսի 11-ին ոստիկանությունում տեղի ունեցավ աշխատանքային խորհրդակցություն, որը վարում էր ՀՀ ոստիկանության պետ Վալերիյ Օսիպյանը:
Քննարկվեց և բաժին առ բաժին վերլուծվեց վերջին ամիսներին կատարված աշխատանքը: Ներկայացվեցին բոլոր տարածքային ստորաբաժանումների բացահայտման թվային տվյալները և առանձին հանցատեսակների վիճակագրությունները:
Վալերիյ Օսիպյանը խոսեց ամենամսյա պարգևավճարի ճիշտ և անկողմնակալ բաշխման մասին: ՀՀ ոստիկանության պետը նշեց, որ պարգևավճարների չափը որոշում են ստորաբաժանման ղեկավարները, և նպատակային բաշխման շնորհիվ պետք է հստակ տարբերվեն բարեխիղճ և թերացող ծառայողները: Դա կբարձրացնի ընդհանուր աշխատանքի արդյունավետությունը:
Քննարկման առարկա դարձավ հանցագործությունների բացահայտման դեպքում հավելյալ պարգևավճարներով խրախուսելու թեման: ՀՀ ոստիկանության պետն օրինակ բերեց ոստիկանության մի ծառայողի, որը մեկ ամսվա ընթացքում բացահայտել է մի շարք հանցագործություններ և մի քանի անգամ խրախուսվել:
ՀՀ ոստիկանության պետը, կարևորելով ոստիկանություն-հասարակություն կապի ամրապնդումը, առաջին հերթին հորդորեց արտաքին ծառայություն իրականացնող ստորաբաժանումներին՝ պարեկապահակետային ծառայողներին, ճանապարհային ոստիկաններին, հաշվառման և քննական ստորաբաժանումների, անձնագրային և վիզաների վարչության աշխատակիցներին իրականացնել բարձրորակ ծառայություն, օրենքի սահմաններում օգնել ու աջակցել քաղաքացիներին: Վալերիյ Օսիպյանը ևս մեկ անգամ խիստ հանձնարարեց բացառել կոռուպցիոն դրսևորման որևէ փորձ, քանի որ բոլոր օրինախախտները հայտնաբերվելու և պատժվելու են օրենքի ողջ խստությամբ:
Խորհրդակցության մասնակիցների ուշադրությունը հրավիրվեց բնակարանային գողությունների բացահայտման ու կանխարգելիչ միջոցառումներ իրականացնելու թեմային: Փորձը ցույց է տվել, որ շոգ եղանակներին ավելանում են տներից կատարվող գողությունները, քանի որ հանցագործները բնակարաններ են մտնում բաց դռներով կամ պատուհաններով: Այս առումով ՀՀ ոստիկանության պետը հանձնարարեց համայնքային ոստիկանությանը՝ կանխարգելիչ միջոցառումներ իրականացնել:
Ընդհանուր առմամբ դրական գնահատելով ոստիկանների ծառայությունը՝ Վալերիյ Օսիպյանը շնորհակալություն հայտնեց անձնակազմին և նշեց, որ մեկ տարվա ընթացքում ահռելի թիմային աշխատանք է կատարվել, որի արդյունքներն ակնհայտ են, իսկ դեռևս առկա որոշ թերացումների վերացման և անելիքների իրականացման համար ակնկալվում է պրոֆեսիոնալիզմի հետագա կատարելագործում, ուժերի մոբիլիզացում և գործառնական արդյունավետության առավել բարձրացում:
Խորհրդակցության ավարտին հանցագործություններ բացահայտելու և ծառայողական պարտականությունները բարեխիղճ կատարելու համար ոստիկանության մի խումբ ծառայողներ պարգևատրվեցին մեդալներով, կրծքանշաններով, պատվոգրերով ու դրամական խրախուսանքներով: