ՊՊԾ գնդի ոստիկանը բերման է ենթարկել գրպանահատի

Հուլիսի 8-ին, ժամը 15.15-ին, ոստիկանության Երևան քաղաքի վարչության ՊՊԾ գնդի ոստիկանը զեկուցագիր է ներկայացրել, որ նույն օրը, ժամը 15-ին, թիվ 46 երթուղու ավտոբուսում մի կին իրեն հայտնել է, թե մեկը փորձում էր իր պայուսակից գողություն կատարել, նաև նշել է, որ այդ անձն իրենից չորս անգամ գողություն է կատարել:
Կնոջ նշած անձին, գողություն կատարելու կասկածանքով, ոստիկանը բերման է ենթարկել ոստիկանության Կենտրոնական բաժին:
Պարզվել է բերման ենթարկվածի ինքնությունը՝ Արմավիրի մարզի Արևշատ գյուղի 49-ամյա բնակիչ: Կինը բաժնում հայտնել է, որ ավտոբուսի սրահում ճանաչել է նրան. նա էր, որ հունիսի 28-ին նույն ավտոբուսի սրահում գողացել է իր դրամապանակը:
Գողության մասին կինը նախկինում չի հայտնել, իսկ այս անգամ էլ հրաժարվել է հաղորդում տալուց:
Նախապատրաստվում են նյութեր: