Պարզաբանում

«Հրապարակ» կայքի այսօրվա «Լևոն Ջավախյանը վթարի է ենթարկվել. ՃՈ-ն անգործության է մատնված» հրապարակման կապակցությամբ հայտնում ենք, որ Երևան-Վանաձոր ճանապարհին ճանապարհային ոստիկանության վերակարգերը, ըստ սահմանված կարգի, ծառայության են դուրս դուրս եկել: Հրապարակման մեջ նշված Քուչակ-Ծիլքար ճանապարհահատվածում պարեկում է մեկ վերակարգ, ևս մեկ վերակարգ` Սպիտակ քաղաք-Ծիլքար հատվածում: Ճանապարհային ոստիկանությունն այդպիսի վթարի ահազանգ այսօր չի ստացել և նման վթար չի գրանցվել, իսկ ճանապարհների անցունակությունն ապահովելու խնդիրը Ճանապարհային ոստիկանության գործառույթներից դուրս է: Ոստիկանությունը վարորդներին բազմիցս հորդորել է մեքենաները համապատասխանեցնել եղանակային պայմաններին, երթևեկել ձմեռային անվադողերով, ուշադիր լինել վտանգավոր ճանապարհահատվածներում: Կրկնում ենք մեր հորդորն ու կոչը և քաղաքացիներին հավաստիացնում, որ, նաև իրենց նման աջակցությամբ, ճանապարհային ոստիկանությունը անում ու անելու է ամեն ինչ` անվտանգ երթևեկություն ապահովելու համար: